A FEGAMP conmemora o Día Mundial da Infancia centrado en que nenos, nenas e adolescentes vivan en contornos seguros e protectores libres de violencia

Accede á Declaración da FEGAMP polo Día Internacional da Infancia 20 de novembro 2024

Anima aos concellos galegos a avanzar na protección da infancia contra todo tipo de violencia asignando os recursos necesarios e adoptando modelos de traballo para a prevención da violencia contra a infancia a nivel local

Sa n tiago de Compostela, 18 de novembro de 2024.- A Federación Galega de Municipios e Provincias (FEGAMP) na súa última Comisión Executiva celebrada recentemente aprobou una declaración institucional polo Día Internacional da Infancia 2024 que vai conmemorarse o vindeiro 20 de novembro, sumándose ao chamamento de UNICEF Galicia.

Na súa declaración a FEGAMP sinala que hoxe "nenas e adolescentes están a sufrir actos de violencia en todas as etapas da súa infancia e nos seus contornos máis cotiás , e moitas veces a mans de persoas de confianza ou que teñen o deber de educalos, adestralos, crialos e protexelos".

"O Consello de Europa estima que 1 de cada 5 nenos e nenas sufrirá abuso sexual antes de cumprir 18 anos. Do mesmo xeito, as estatísticas en España revelan que entre o 83% e o 91% dos nenos, nenas e adolescentes sofren actos de violencia en diversas etapas da súa infancia e en múltiples contornos", destaca a FEGAMP ao tempo que confirma "que 1 de cada 3 rapaces pode estar sendo vítima de acosos escolar" sendo "menos do 10% das situacións de violencia" denunciadas.

Tamén se destaca que, este ano, o Día Mundial da Infancia está "centrado en promover un compromiso de todos os actores, incluída a infancia, para que nenos, nenas e adolescentes vivan en contornos seguros e protectores libres de violencia". A este chamamento se suma a FEGAMP, xunto con UNICEF España e UNICEF Comité Galicia, xa que todos e todas "Somos Infancia".

Por iso, este Día da Infancia ten que servir "para reivindicar e focalizar as accións de protección fronte á violencia cara a prevención, chegando antes que o dano se produza, e involucrando como axentes activos na súa propia protección aos propios, nenos, nenas e adolescentes."

"Dende a FEGAMP non somos alleos a esta realidade" prosigue a declaración, xunto con un compromiso dende os concellos galegos na protección da infancia contra todo tipo de violencia, asignando os recursos necesarios, e adoptando modelos de traballo para a prevención da violencia contra a infancia a nivel local, como:

• impulsar todas as medidas lexislativas, administrativas, sociais e educativas apropiadas para protexer á infancia contra toda forma de prexuízo ou abuso físico ou mental, descoido ou trato neglixente, malos tratos ou explotación, incluído o abuso sexual
• avanzar na aplicación no ámbito local da Lei Orgánica 8/2021, de 4 de xuño, de protección integral á infancia e a adolescencia fronte á violencia
• sensibilizar, formar, establecer espazos comunitarios, involucrar a nenos, nenas e adolescentes, familias e coidadores e cidadanía en xeral na prevención da violencia, como administración máis próxima á infancia e adolescencia
• garantir que os profesionais de servizos sociais, infancia, deportes, educación, saúde, policía, cultura, realizan accións coa infancia nas cales poden detectar posibles casos de risco de violencia e contan coa formación e ferramentas adecuadas para abordar estes posibles casos
• garantir tamén que os nenos, nenas e adolescentes, como axentes de pleno dereito, en función da súa idade e desenvolvemento, reciban información e formación para autoprotexerse ante posibles casos de violencia e que se lles ten en conta á hora de aportar propostas vinculadas coa prevención da violencia