Ministry of Foreign Affairs of the Republic of Armenia

11/27/2024 | Press release | Distributed by Public on 11/28/2024 03:50

Մավրիտանիայի Իսլամական Հանրապետությունում ՀՀ դեսպանն իր հավատարմագրերն է հանձնել Մավրիտանիայի նախագահին

Մավրիտանիայի Իսլամական Հանրապետությունում ՀՀ դեսպանն իր հավատարմագրերն է հանձնել Մավրիտանիայի նախագահին

27 նոյեմբերի, 2024

Նոյեմբերի 27-ին Մավրիտանիայի Իսլամական Հանրապետությունում Հայաստանի Հանրապետության դեսպան Արշակ Փոլադյանն իր հավատարմագրերն է հանձնել Մավրիտանիայի նախագահ Մուհամմադ Ուլդ ալ-Ղազուանիին։

Իր խոսքում դեսպանը նախագահ Ղազուանիին է փոխանցել ՀՀ նախագահ Վահագն Խաչատուրյանի ողջույնները` պատրաստակամություն հայտնելով ջանքեր գործադրել Հայաստանի և Մավրիտանիայի միջև երկկողմ հարաբերությունները զարգացնելու, ինչպես նաև բազմակողմ հարթակներում համագործակցությունը խթանելու ուղղությամբ։

Մավրիտանիայի նախագահը շնորհավորել է ՀՀ դեսպանին Մավրիտանիայում առաջին ոչ ռեզիդենտ դեսպան նշանակվելու կապակցությամբ՝ մաղթելով նրան ամենայն հաջողություն գործունեության ընթացքում։

Նույն օրը հավատարմագրման արարողությանը նախորդել է դեսպան Արշակ Փոլադյանի հավատարմագրերի պատճենի հանձնումը Մավրիտանիայի ԱԳ Նախարար Մուհամմադ Սալեմ Ուլդ ալ-Մարզուկին։

Հավատարմագրման արարողության ավարտին դեսպանը հանդես եկավ լրատվամիջոցների համար կարճ ելութով։